ส่ำขี้คางคากฮากหมา ในสายตาน้อง
หวังสิได้เป็นเจ้าของ คือสิบ่เห็นทาง
หมดแดงแฝงบักม่วง ได้แต่แอบหวงอยู่ข้างๆ
ชีวิตของคนฮ่างๆ นางฟ้าคือน้อง ไผสิมาสนใจ
ได้แต่ตอบหลอยแนม ยามเขามาแอ้มน้องหล่า
กัดแข้วกลั้นน้ำตา อย่างวนคือบ้าบ่มีหม่องไป
วาสนาหมาเศร้า กอดขวดเหล้าเมาข้างเล้าไก่
หางตาน้องกะบ่สนใจ สิเหลียวมามอง
ได้แต่แอบฮัก แล้วกะแอบเสียใจ
อยู่ซื่อๆ บ่เป็นแท้หนอหัวใจ
หาเรื่องใส่แต่เจ้าของ
วาสนา หมาเห็นปลากระป๋อง
เบิดซาติบ่ได้ลิ้มลอง ฮ้องเจ็บอยู่ผู้เดียว
โอ้ย หลูโตนซาเจ้าของ
ฮักอ้ายคือจอกลอยน้ำ
ให้ปลาหามปลาตอด
ฮักส่ำใด๋กะไปบ่ฮอด
บิดสิทธิกอดหัวใจนาง
ไผสิมาหัวซา น้ำตาบักขี้ไก่ขาม
ชีวิตคือเขียดตีนส่าง อนาคตฮ่างๆ
สมแต่ทางหมาเห่า
ได้แต่แอบฮัก แล้วกะแอบเสียใจ
อยู่ซื่อๆ บ่เป็นแท้หนอหัวใจ
หาเรื่องใส่แต่เจ้าของ
วาสนา หมาเห็นปลากระป๋อง
เบิดซาติบ่ได้ลิ้มลอง ฮ้องเจ็บอยู่ผู้เดียว
โอ้ย หลูโตนซาเจ้าของ
บักหมาเห็นปลากระป๋อง